Proprietary Trading Firms - პროპ ფირმები

Proprietary Trading Firms (Prop Firms) არის კომპანიები, რომლებიც საკუთარი კაპიტალით ახორციელებენ სავაჭრო ოპერაციებს ფინანსურ ბაზრებზე. განსხვავებით საინვესტიციო ბანკებისგან ან ჰეჯ-ფონდებისგან, რომლებიც კლიენტების კაპიტალს მართავენ, Prop Firm-ები იყენებენ მხოლოდ თავიანთ ფულს სავაჭრო სტრატეგიების განსახორციელებლად.

როგორ მუშაობს Prop Firm-ები?

Prop Firm-ის ბიზნესმოდელი ეფუძნება პროფესიონალი ტრეიდერების დაქირავებას ან დამწყებ ტრეიდერების გაწვრთნას და მათთვის საკუთარი კაპიტალის მართვის შესაძლებლობის მიცემას.

1. საკუთარი კაპიტალით ვაჭრობა

Prop Firm-ა ტრეიდერებს აძლევს ფინანსურ რესურსებს, რათა მათ ვაჭრობაში გამოიყენონ, სანაცვლოდ კი კომპანიას ტრეიდერების მიერ გამომუშავებული მოგების ნაწილი მიაქვს. ტრეიდერები არ რისკავენ საკუთარ ფულს, თუმცა ვალდებულნი არიან დაიცვან კომპანიის სავაჭრო წესები.

2. ტრეიდერების შერჩევა და გაწვრთნა

ბევრი Prop Firm-ა ტრეიდერებს სპეციალურ ტესტირებას უტარებს, სადაც უნდა დაამტკიცონ თავიანთი უნარები. ზოგიერთ შემთხვევაში, დამწყები ტრეიდერები გადიან სასწავლო კურსებს ტესტირების გასავლელად, ხოლო გამოცდილი ტრეიდერები პირდაპირ იწყებენ ვაჭრობას.

3. მოგების განაწილება

მოგების გაყოფის სტრუქტურა განსხვავებულია, მაგრამ ყველაზე გავრცელებული მოდელი ასეთია:

ტრეიდერს ეძლევა განსაზღვრული კაპიტალი (მაგალითად, $10,000 – $100,000 ან მეტი).

მოგების ნაწილი (მაგალითად, 70%-90%) რჩება ტრეიდერს, ხოლო დანარჩენი კომპანიას.

თუ ტრეიდერი კარგავს თანხას, კომპანიის კაპიტალი ზარალდება, მაგრამ ტრეიდერი უმეტესად არ იხდის დანაკარგს (გარდა ტესტირების საფასურისა).

Prop Firm-ის ტიპები

კლასიკური Prop Firm-ები – აქვთ ოფისები და აყვანილი ჰყავთ პროფესიონალი ტრეიდერები, რომლებიც კომპანიიდან ვაჭრობენ.

Remote Prop Firms (დისტანციური მოდელი) – ტრეიდერები მსოფლიოს ნებისმიერი წერტილიდან ონლაინ ვაჭრობენ, და კომპანია უზრუნველყოფს კაპიტალს.

Evaluation-based Prop Firms – ტრეიდერები გადიან ტესტირებას (მაგალითად, FTMO, Topstep), წარმატების შემთხვევაში იღებენ კაპიტალს ვაჭრობისთვის.

რა სარგებელი აქვს ტრეიდერებისთვის?

✔ არ სჭირდებათ დიდი საწყისი კაპიტალი – ტრეიდერები იღებენ კომპანიის ფულს ვაჭრობისთვის.

✔ მომგებიანი სავაჭრო სტრატეგიების გამოყენება – შესაძლებელია საკუთარი ან კომპანიის სტრატეგიის გამოყენება.

✔ მაღალი მოგების პოტენციალი – გამოცდილ ტრეიდერებს შეუძლიათ მნიშვნელოვანი შემოსავლის მიღება.

რისკები და გამოწვევები

⚠ მკაცრი წესები – პროპ ფირმის ტრეიდერებს უწევთ სავაჭრო წესების მკაცრი დაცვა (მაგალითად, მაქსიმალური დროუდაუნი).

⚠ შეფასების საფასური – ბევრი პროპ ფირმა ტესტირებისთვის თანხას იღებს, რაც შეიძლება ტრეიდერისთვის რისკიანი იყოს, რადგან თუ ტესტირების ეტაპს ვერ გაივლი ანგარიშს კარგავ, შესაბამისად ტესტირების ანგარიშში გადახდილ თანხასაც.

⚠ არასანდო კომპანიები – ზოგიერთი ფირმა შეიძლება თაღლითური იყოს და არ გადაიხადოს მოგება.

ცნობილი პროპ ფირმის მაგალითები

FTMO – ერთ-ერთი ყველაზე პოპულარული პროპ ფირმა, რომელიც დაარსდა 2015 წელს ჩეხეთის რესპუბლიკაში, ქალაქ პრაღაში და ოპერირებს Forex და CFD ბაზრებზე.

Topstep – მსოფლიოში ერთ-ერთი ყველაზე გავლენიანი და სანდო პროპ-ფირმა, რომელიც დაფუძნებულია 2012 წელს ამერიკის შეერთებულ შტატებში, ჩიკაგოში. კომპანია სპეციალიზდება ფიუჩერსების ბაზარზე და ეხმარება ტრეიდერებს კაპიტალზე წვდომის მიღებაში, მინიმალური ფინანსური რისკით.

Topstep-ის უნიკალური ბიზნესმოდელი აერთიანებს ტრეიდერთა ტესტირებისა და მომზადების პროცესს, რაც მონაწილეებს შესაძლებლობას აძლევს, დაამტკიცონ თავიანთი სავაჭრო უნარები და მიიღონ დაფინანსება საკუთარი სტრატეგიების რეალურ ბაზარზე გამოსაცდელად.

კომპანია მკაცრი, მაგრამ სამართლიანი შეფასების სისტემით გამოირჩევა, რაც უზრუნველყოფს მხოლოდ მაღალი დონის ტრეიდერების წარმატებას. მისი მიზანია, შექმნას პასუხისმგებლიანი და მომგებიანი სავაჭრო გარემო, სადაც ტრეიდერები შეძლებენ თავიანთი უნარების სრულად რეალიზებასა და ფინანსური დამოუკიდებლობის მიღწევას.

Topstep აგრძელებს ინოვაციების დანერგვას და აქტიურად ავითარებს პლატფორმას, რათა კიდევ უფრო გააუმჯობესოს ტრეიდერთა გამოცდილება და წარმატების შანსები.

EARN2TRADE - აღიარებულად არის ერთ-ერთი ყველაზე რეპუტაციული და სანდო პროპ ფირმა, რომელსაც უნდა მიმართო თუ ეძებ რეალურად სანდო პარტნიორს, რომელთანაც მუშაობისას არასდროს გექნება სანერვიულო და საფიქრალი მსგავს პრობლემებზე, როგორებიც პროპ ფირმების უმრავლესობას უკავშირდება, ესენია: თანხის ანაზღაურება, მხარდაჭერის სამსახური, სანდოობა და ა.შ.

ERN2TRADE არის ფინანსური განათლების და სავაჭრო დაფინანსების კომპანია, რომელიც ტრეიდერებს სთავაზობს შესაძლებლობას, მიიღონ დაფინანსებული სავაჭრო ანგარიში. კომპანია ორიენტირებულია ფიუჩერსების (futures) ვაჭრობაზე და მუშაობს რეალური სავაჭრო ანგარიშების დაფინანსების პროვაიდერებთან, როგორიცაა Helios Trading Partners და Appius Trading.

Earn2Trade დაარსდა 2016 წელს ამერიკის შეერთებულ შტატებში და მიზნად ისახავდა ფიუჩერსებით ვაჭრობის მსურველთა მომზადებას და მხარდაჭერას. კომპანიის მთავარი მისიაა, დაეხმაროს ტრეიდერებს ცოდნის გაღრმავებასა და ბაზარზე სტაბილური წარმატების მიღწევაში.

დასკვნა

პროპ ფირმები არის საინტერესო შესაძლებლობა ტრეიდერებისთვის, რომლებსაც არ აქვთ დიდი საწყისი კაპიტალი, მაგრამ აქვთ ძლიერი სავაჭრო უნარები. თუმცა, მნიშვნელოვანია გაანალიზოთ, რამდენად სანდოა კონკრეტული ფირმა და რამდენად შეესაბამება მისი წესები თქვენს სავაჭრო სტრატეგიას.

მიიღე დაფინანსებული ანგარიში $400.000-მდე

არ დაგავიწყდეს ჩვენი პრომო კოდის გამოყენება და მიიღე 60%-იანი ფასდაკლება ნებისმიერი ანგარიშის შეძენისას.

პრომო კოდი: FuturesGE